നമ്മുടെ പൌരന്മാര്‍ നമ്മുടെ സര്‍ക്കാരിനെതിരെയുള്ള സംഭവങ്ങള്‍ സേര്‍ച്ച്‌ ചെയ്തു കണ്ടുപിടിച്ചാല്‍ പിന്നെ ഈ രാജ്യത്തിന്റെ ഗതി എന്താകും? ടിയാനന്‍മെന്‍ സ്ക്വയര്‍ എന്നു സേര്‍ച്ച്‌ ചെയ്‌താല്‍ വരുന്നത് സുന്ദര സുരഭിലമായ ടിയാനന്‍മെന്‍ സ്ക്വയര്‍ ആയിരിക്കണം. അല്ലാതെ പണ്ടെന്നോ നടന്ന ഒരു വിദ്യാര്‍ഥി സമരത്തിന്‍റെ ഫോട്ടോകള്‍ ആയിരിക്കരുത്. യഥാര്‍ത്ഥത്തില്‍ അങ്ങനെ ഒരു സംഭവമേ നടന്നിട്ടില്ല എന്നുള്ളതാണ് സത്യം. എല്ലാം സി.ഐ.എ., മൊസാദ്, റോ തുടങ്ങിയ വിദേശചാര സംഘടനകളുടെ ഒത്തുകളിയായിരുന്നു.
എന്തായാലും ഇനിയിപ്പോ പ്രശ്നങ്ങള്‍ എല്ലാം തീര്‍ന്നു. ഇനിമുതല്‍ ആരും ഈ ജനകീയ ചൈനയില്‍ ഗൂഗിളിലും യാഹുവിലുമൊന്നും സേര്‍ച്ച്‌ ചെയ്യാന്‍ പാടില്ല. നമ്മുടെ രാജ്യത്തിന് നമ്മുടെ സ്വന്തം സേര്‍ച്ച്‌ എന്‍ജിന്‍ ഉള്ള സ്ഥിതിക്ക് ഇതില്‍ സേര്‍ച്ച്‌ ചെയ്യാത്ത രാജ്യദ്രോഹികളെ മുഴുവന്‍ അമേരിക്കന്‍ ചാരന്മാരായി കണക്കാക്കുന്നതായിരിക്കും. മാത്രമല്ല, മറ്റു രാജ്യങ്ങളിലുള്ള നമ്മുടെ അനുഭാവികളെ മുഴുവന്‍ ഇതിനായി ബോധവല്‍ക്കരിക്കേണ്ടതുണ്ട്. അതാത് രാജ്യങ്ങളിലെ ജനങ്ങള്‍ക്കിടയില്‍ തൊഴിലാളിവര്‍ഗ സേര്‍ച്ച്‌ എന്‍ജിന്‍ പ്രചരിപ്പിക്കേണ്ടത് വിപ്ലവപ്രസ്ഥാനങ്ങളുടെ കടമയാണ്.
തിബെറ്റ്‌ എന്നു സേര്‍ച്ച്‌ ചെയ്യുന്നവരെ കാണിക്കാന്‍ തിബറ്റിലെ മനോഹരമായ പാലങ്ങള്‍, ട്രെയിനുകള്‍, പുഞ്ചിരിക്കുന്ന തിബറ്റന്‍ കുട്ടികള്‍ തുടങ്ങിയ ചിത്രങ്ങളുടെ ഒരു ഫോട്ടോഗാലറി തയ്യാറാക്കുന്നുണ്ട്. അരുണാചല്‍ പ്രദേശ്‌ എന്നു സേര്‍ച്ച്‌ ചെയ്യുന്നവരെ ഓട്ടോമാറ്റിക്കായി സതേണ്‍ തിബറ്റ് എന്ന പേജിലേക്ക് റീഡയറക്റ്റ് ചെയ്യുന്നതായിരിക്കും. വിപ്ലവം ജയിക്കട്ടെ.
ഇനിമുതല്‍ ആരും ഈ ജനകീയ ചൈനയില്‍ ഗൂഗിളിലും യാഹുവിലുമൊന്നും സേര്‍ച്ച്‌ ചെയ്യാന്‍ പാടില്ല. നമ്മുടെ രാജ്യത്തിന് നമ്മുടെ സ്വന്തം സേര്‍ച്ച്‌ എന്‍ജിന്‍ ഉള്ള സ്ഥിതിക്ക് ഇതില്‍ സേര്‍ച്ച്‌ ചെയ്യാത്ത രാജ്യദ്രോഹികളെ മുഴുവന്‍ അമേരിക്കന്‍ ചാരന്മാരായി കണക്കാക്കുന്നതായിരിക്കും.
ReplyDeleteവിപ്ലവം ജയിക്കട്ടെ
ReplyDeleteവിപ്ലവം ജയിക്കട്ടെ, മനുഷ്യന്‍ തോല്‍ക്കട്ടെ !
ReplyDelete